कोट ला'का मान्छे - गजल

आज बिहान हाम्रो घरमा कोट ला'का मान्छे आ'थे,
गुम्म अनुहार अनि ठुलो पेट भा'का मान्छे आ'थे ।

चिने चिने जस्ता लाग्ने निहुरिएर ढोग्न खोज्ने,
नाम के थ्यो तिनको कुन्नि, खै काँ'का मान्छे आथे ।

हिँजो सम्म बाहिरै थिए, छोराछोरी उतै बस्छन,
अचानक आज देशको गित गाका मान्छे आथे ।

दिन्न भन्‌नुभयो वा ले, तिनीहरुले झण्डै कुटे,
जो पछि मुन्‌द्रि ला'का कपाल उठा'का मान्छे आथे ।

के मागे बा तिनिहरुले के दिन्न भन्नुभा'को?
बावु! हाम्रो भोट बेचि नोट खा'का मान्छे आ'थे ।

आज बिहान हाम्रो घरमा कोट ला'का मान्छे आ'थे,
गुम्म अनुहार अनि ठुलो पेट भा'का मान्छे आ'थे ।