Literature
मुक्तक - भाग १
01-09-2025 • by Manakaji Kattel
४ मुक्तकहरु
===========[१]===========
हामि त जोडिन पो रेटिएका रहेछौँ ।
मायामा हराउन पो भेटिएका रहेछौँ ।
कति रोयौ वालुवाको अक्षर सम्झिँदै
ढुङ्गामै लेखिन पो मेटिएका रहेछौँ ।
===========[२]===========
छ्यास्सै सुनाई नहाल्नु घरवार भित्रका कुरा ।
देख्यौ कति गुप्त छन दरवार भित्रका कुरा ।
उ जंगवाट एउटा मात्र हात लिई फर्कियो जो
सँधै गर्थ्यो कलम सँग तरवार भित्रका कुरा ।
===========[३]===========
कुवेरलाई समेत एकदिन आँशुको पालो हुन सक्छ ।
कहिले बुहारी कहिले सासुको पालो हुन सक्छ ।
भान्सामा ति आमासँग तेतिसारो नझर्किनुहोला
आज सागै खानु ल? भोलि मासुको पालो हुन सक्छ ।
===========[४]===========
तिम्रो समय सकिएपछि मेरो संसार सुरू हुन्छ।
तर कसरी सकिन्छ, तेसै अन्सार सुरू हुन्छ।
तिम्रा यादहरूले अब चर्को कर तिर्न परोस
मेरो मुटुको बाटोमा एउटा भन्सार सुरू हुन्छ ।
